Манчевски: Инспекциските служби се преоптоварени со обврски од административна природа кон советот

Од:

Министерот за информатичко општество и администрација учествуваше на денешната инфо сесија посветена на предлози и измени на Законот за инспекциски надзор.

„По направените анализи на фактичката состојба и како постоечкиот закон се одразува врз секојдневната работа на инспекциските служби, заклучивме дека тој се карактеризира со голем број на одредби кои честопати се меѓусебно противречни. Ова особено се однесува на проблемите кои субјектите, граѓаните и бизнисите ги имаат при инспекциските контроли, но и поставеноста на инспекциските служби во системот на државни органи, нивната линија на одговорност и обврските што ги имаат кон Инспекцискиот совет“, рече министерот Манчевски.

Според министерот, во досегашното постоење инспекцискиот совет не придонел за остварување на целите заради кои беше формиран, а инспекциските служби се преоптоварени со обврски од административна природа кон советот.

„Инспекцискиот надзор мора да престане да биде механизам за полнење на буџетот. Инспекцискиот наздор мора најпрвин да има советодавна улога. Субјектите најпрвин да добијат опомена и рок да ја отстранат неправилноста, пред да се изрече казна. Само на таков начин инспекцијата нема да се доживува како репресија. Овие измени на законот, конечно го предвидуваат тоа. Од ова голема корист ќе има бизнис заедницата“, рече министерот Манчевски.

Министерот потенцираше дека со новиот закон се воведува опомена за фирмите пред репресивни мерки, како исполнување на ветувањето до компаниите дека нема веднаш да бидат казнувани.

На инфо сесијата свое обраќање имаа и Данела Арсовска, претседател на Сојузот на стопански комори, како и Љубомир Димовски, проектен директор на проектот „Партнерство за подобра бизнис регулатива“.
Новините од законот треба да помогнат и за намалување на сивата економија, како примарен проблем што редовно се евидентира во извештаите што се изработуваат во рамки на проектот на УСАИД „Партнерство за подобра бизнис регулатива“.

Би можело да ве интересира

Хоџа: Останува определбата за оптимизација на администрацијата

Ана Ололовска

Глас за Македонија: Мега скандал за предизборен поткуп од страна на власта

А1он

„Како народ треба да работиме повеќе, а не помалку“, Заев не дава поддршка администрацијата да работи скратено во петок

Кристијан Ландов

Владата се собра на специјална вечерна седница и разгледа до каде е реформата на администрацијата

Жарко Настоски

Груби: Прераспределба на административците оди по планот, нема отпор за нивно примање

Жарко Настоски

Рамковните административци уште не тргнале на работа, 160 од нив воопшто не се појавиле или одбиле да потпишат решенија

Жарко Настоски