Лукаревска: „МојДДВ“ е успешна мерка која ја користат 304.912 граѓани

Од:

Апликацијата „Мој ДВВ“ ја користат 304.912 граѓани, а досега се скенирани 143.788.631 фискална сметка. Вкупно вратениот поврат од ДДВ за трите квартали досега е 671.270.576 денари или 10.914.968 евра, објави денеска директорката на Управата за јавни приходи Сања Лукаревска на одбележувањето на една година од воведувањето на проектот „МојДДВ“.

Лукаревска на прес-конференцијата, организирана по тој повод, истакна дека од воведувањето на „Мој ДДВ“ наплатата на данокот на додадена вредност во периодот јули – декември бележи зголемување во просек за 11,2 проценти во однос на истиот период 2018 година.

– Сметките се скенираат секојдневно. „МојДДВ“ е успешна мерка која ја реализиравме. Таа е мерка за граѓаните. Продолжуваме и понатаму да ги поедноставуваме процедурите во УЈП и да ги подобруваме услугите, рече Лукаревска.

Преку апликацијата „МојДДВ“, граѓаните во изминатиот период можеа да ги донираат средствата за борба против корона вирусот. Досега донирани се 5.809.613 денари, а можноста за отповикување ја искористиле 3.161 граѓанин.

Првиот поврат на ДДВ беше реализиран во декември лани при што на 151.498 граѓани им беа вратени 158.065.205 денари. Вториот поврат беше реализиран во февруари годинава кога на 186.515 граѓани им беа вратени 211.988.131 денар. Третата исплата беше реализирана во мај годинава кога 240.597 граѓани добија поврат од ДДВ во износ од 301.217.240 денари.

Освен преку мобилната апликација, граѓаните можат да ги скенираат сметките и преку БАР читачи поставени во 36 организациони единици на УЈП и седум киоск апарати во седум регионални дирекции на УЈП.

Проектот има две цели – да се поттикне издавањето на фискалните сметки и да се намали сивата економија, како и граѓаните да добијат поврат од ДДВ.

Би можело да ве интересира

Објавена листата на фирми што зеле државна помош, а не им платиле на работниците

А1он

Фирмите побарале и добиле пари од државата, вработените не ги добиле платите, испратени опомени

Ана Ололовска

Над 700 фирми добиле поддршка од државата за исплата на плата, но не ги дале парите на вработените

Ана Ололовска

Викендот без ДДВ преместен во септември, треба да го потврди новата влада

Маја Илиевска-Пачемска

УЈП: Од 12 јуни повратот на ДДВ раздвоен, за домашни 20, за странски 10 отсто, можни промени во пресметката за второто тримесечје

Ана Ололовска

УЈП: 55.000 работодавачи ја искористиле финансиската поддршка за исплата на плати

А1он