Предвремените избори нема да имаат влијание врз новата финансиска помош за Грција, изјави шефот на Работната група на еврото Томас Вајзер.
– Ова навистина беше очекуван чекор и за многу луѓе посакуван чекор за да се дојде до појасна структура во грчката Влада … Во октомври имаме состанок за можно олеснување на долгот и по изборите на 20 септември се надеваме дека ќе има понатамошен напредок на програмата, изјави Вајзер за австриската телевизија ОРФ.
Тој исто така додаде дека изборите „нема да ги променат бројките во последниот договор за кредит“.