Инвестиции во вредност од 700 милиони евра се очекува да пристигнат во Кипар од Европската банка за обнова и развој (ЕБОР) во следните пет години, пишува весникот „Филелефтерос“.
Банката ја зголеми довербата кон кипарската економија, откако го вклучи средоземноморскиот остров во групата на земји со приоритет на финансирање. Во брзо време банката ќе почне со скенирање на секторите, во кои би можело да бидат направени инвестициите.
Се очекува финансирањето да го опфати банкарскиот сектор, приватизацијата, малите и средни претпријатија и енергетиката. Деталите од петгодишната инвестициска програма ќе бидат прецизирани откако ќе почне со работа канцеларија на ЕБОР во Никозија.
Кипарскиот министер за финансии одлуката на банката ја оцени како историска, бидејќи таа најавува финансирање на приватниот сектор, но и инвестиции во важни сектрои на кипарската економија.