Азески: Бизнисот успеа да опстане, сега му треба силен инпут

Од:

Компаниите кои инвестираат во развој, иновативни решенија и дигитализација на процесите со примена на меѓународно признатите стандарди мора да бидат поддржани во пост-КОВИД периодот и со тоа да им се одаде признание како се понесоа во една од најтешките кризи. Бизнисот успеа да опстои и она што им е сега потребно на фирмите е силен импут, вели претседателот на Стопанската комора на Северна Македонија, Бранко Азески.

Делегација предводена од Азески ја посети акредитираната лабораторија на компанијата „Макпетрол“ која постои 15 години и во која се вложени 2,3 милиони евра.

– Во новата стратегија на Комората најзначајно место ќе имаат токму институциите што имаат највисоки професионални стандарди, што инвестираат во напредни технологии и создаваат производи со додадена вредност со што ја зголемуваат конкурентноста на македонската економија. Бизнисот успеа да опстои и она што им е сега потребно на фирмите е силен импут. Затоа преку директните средби во објектите ги гледаме нивните потреби, но и барањето во кој правец ќе одиме, а ќе одиме во правец на отворање инвестициска активност за создавање производи со додадена вредност, констатира Азески.

Претседателот на Управниот одбор на „Макпетрол“ Скопје Андреја Јосифовски ги запозна присутните со капацитетот и моќта на акредитираната лабораторија за анализа на течни горива. Првичната акредитација, како што рече, е од Британското акредитивно тело и работи согласно стандардот ISO/IEC 17025, секогаш има арбитражен примерок во случај на спор и овозможува целосна тајност, независност и доверливост во постапката.

-Лоцирана во најголемиот склад на „Макпетрол“ во општина Илинден, првично акредитирана од Британското акредитивно тело, а подоцна и од страна на домашната служба за акредитација на вакви лаборатории, работи по сите стандарди и е опремена на највисоко ниво, а се правата анализи и на био горивото. Контролите се вршат освен за сопствените производи и за надворешни партнери, а пред се висок рејтинг има за контрола на квалитетот на горивата во земјите од регионот, но и за домашните институции по доставени примероци од пазарната инспекција. Лабораторијата има воспоставена соработка и со меѓународни лаборатории, и со нафтени компании кои го контролираат квалитетот на своето гориво во лабораторијата, посочи Јосифовски.

Би можело да ве интересира

„Макпетрол“ со добивка од речиси 20 милиони евра во првите три квартали од годината

Српска стопанска комора: Mакедонските и албанските компании бесплатно да го користат Бизнис хабот на Експо Дубаи

А1он

Цените на храната ќе растат и до 50 отсто, бизнисот бара поддршка од државата за да се ублажи ударот врз потрошувачите

Катерина Павлова-Николовска

Во Стопанската комора конституиран Совет за унапредување на индустриското производство и извозот

А1он

Во Стопанската комора конституиран Совет за унапредување на високото образование

А1он

Азески – Костиќ: Да се забрза дигитализацијата и да се засили борбата против сивата економија

Ана Ололовска