Акционерскиото Друштво „Аеродроми на Македонија“ Скопје, објави оглас за вработување 5 лица на неопределено време.
Со огласот се бараат: шеф на кабинет, самостоен референт за маркетинг, самостоен референт за контрола на документација за набавки и продажба, возач и курир. Паричниот износ на основната нето плата за сите работни места е 39.297 денари.
Кандидатите покрај општите услови утврдени со закон, треба да ги исполнуваат и следните посебни услови.
За позициите шеф на кабинет и референти се бара завршено високо образование, а за останатите две места, средно образование. Рокот за пријавување е пет работни дена од денот на огласувањето, а изборот ќе се изврши во рок од 45 дена по истекот на рокот на пријавување.