На плоштадот „Гоце Делчев“ во Струмица денеска е отворен третиот мини саем на книгата.
Во организација на Младинскиот совет-Струмица, Академијата „АБЦ“, локалната установа Библиотека „Благој Јанков Мучето“ и „Сим Компани“ од Струмица, а со поддршка на општина Струмица, на саемот се претставија повеќе издавачи од земјава.
– Се надеваме дека струмичани ќе покажат интерес и ќе си купат по некоја книга, рече Јорданчо Јорданов од Издавачката куќа „Наша култура“.
Саемот за отворен го прогласи членот на Советот на општина Струмица, Јосиф Христов.
– Не постои ниту едно материјално богатство кое може да биде поголемо од духовното богатство кое ни го нуди книгата. Колку повеќе се дружиме со книгата, толку повеќе сме подобри, покултурни, почовечни и со повеќе сознанија за светот во кој живееме, рече Христов.
Мини саемот на книгата е отворен до недела.