ДФРМ и Агенција за филм: Финансиската поддршка за филмските работници е разбирање на нивниот статус

Од:

Одобрувањето за пренамена на средства од Агенцијата за филм со цел доделување еднократна помош на независниот филмски работник е разбирање за неговиот статус и борба за одржување на овој специфичен кадар, соопштија Друштвото на филмски работници на Македонија (ДФРМ) и Агенцијата за филм за Уредбата со законска сила што ја донесе вчера Владата за финансиска поддршка на филмските работници за време на вонредната состојба.

-Независните филмски работници и официјално добија рамноправна субвенција во рамките на изгласаната Уредба со која законски се утврдува финансиската поддршка на филмските работници за време на вонредна состојба. ДФРМ и Агенцијата за филм на РСМ уште на самиот почеток на вонредната КОВИД-19 криза апелираа до Владата преку матичното Министерство за култура за поддршка на филмските работници. Оваа иницијатива имаше за цел, пред сè, да укаже на специфичната природа на ангажманот на филмските работници кои егзистираат единствено од независни филмски проекти, наведуваат во соопштението.

Во заедничката иницијатива, посочуваат ДФРМ и Агенцијата за филм, јасно се дефинирани кои професии спаѓаат во оваа група работници: режисер, помошник режисер, костимограф, монтажер, организатор на снимање, продуцент, фарист и многу други единствени занимања кои би биле квалификувани за доделување на субвенцијата – исплата на две минимални нето-плати – од 14.500 денари, односно вкупно 29.000 за двата најкризни месеца: април и мај.

– Во меѓувреме, формирана е и Комисија која преку јавен повик ќе ги разгледуваат барањата за финансиската помош со уште подетални квалификации за оваа поддршка, меѓу кои и: работникот да остварува приход единствено од работа на филм; да има работено на три професионални филмови во последните пет години, финансиран од страна на Агенција на филм на РСМ и активно да работел на филм во последните пет години, информираат во заедничкото соопштение ДФРМ ни Агенцијата за филм.

Би можело да ве интересира

Престижниот „Карлови Вари“ го селектираше македонскиот филм „Снежана на крајот умира“,кој е поддржан од Агенцијата за филм

Ана Ололовска

ДФРМ едногласно ги поддржа мерките за спас на филмската фела и македонската кинематографија

Ана Ололовска

Започна снимањето на хрватско-македонскиот филм „Таја носеше црлена шамија“

А1он

Резултатите од првиот конкурс на Агенцијата за филм на крајот од јули, прв ќе се снима „Преекспониран“ на Венинова

Ана Ололовска

Премиера на краткиот филм „Вистината за Бади“

Ана Ололовска

Агенцијата за филм застапена со е-павилијон на Филмскиот маркет на Канскиот фестивал

Ана Ололовска