Напаѓачот на Борусија Дортмунд, Пјер Ерик Обамејанг вели дека може да постигне 50 гола во една сезона и да биде најдобриот напаѓач во светот.
– Ако може Роналдо да даде 50 голови во една сезона, зошто да не можам и јас? Целта ми е да станам еден од најдобрите напаѓачи во светот. Нешто ми недостасува? Само морам да бидам константен како Роналдо и Меси. Пред неколку години изјавив дека можам да постигнам 40 гола во една сезона и работам напорно тоа да го остварам. Ова е само почеток, за да дојдам до мојата цел има уште многу работа, изјави Обамејанг.
Репрезентативецот на Габон игра одлично во новата сезона, постигна 20 гола на 17 средби во сите натпреварувања. Во Бундеслигата постигна 13 голови и се наоѓа на првото место на листата на стрелци пред Роберт Левандовски.