Одложено е рочиштето за предметот „Насилство“, откако обвинетиот Митко Пецов се разболел и не присуствуваше на седницата.
Обвинителката од Специјалното јавно обвинителство побара тој да биде приведен и донесен со полиција на следното рочиште.
Денеска пред судот требаше да сведочи Мирослав Шиповиќ, кој исто така не се појави на судењето, додека обвинетиот Никола Груевски доцнеше 15 минути.
За овој предмет, инспекторатот забележа дека лекари констатирале пропусти при издавањето на боледување за еден обвинет.
Во предметот „Насилство во Центар“ обвинети се поранешниот премиер Никола Груевски, поранешниот министер за транспорт и врски Миле Јанакиески, екс советничката на ВМРО-ДПМНЕ Даниела Рангелова и уште осум други лица. Тие се товарат за поттикнување насилство, кое се случи за време на протестите пред Општина Центар во јуни 2013 година.
Васко Маглешов