Летонската полиција откри илегална фабрика за производство на цигари во градот Лиелварде, во која биле запленети 13,6 милиони цигари и девет тони тутун, јави ДПА.
Деветчлената група која ја водела фабриката имала разработен план за масовно производство на цигари, при што зградата каде што работеле ја опремиле со генератори за струја и поставиле кревети за работниците да можат да спијат на самото место.
Кон крајот на јуни слична фабрика беше откриена и во летонскиот град Огре, каде биле запленети 12 тони тутун.