Sвездата на Барселона, Лионел Меси, преку Инстаграм потврди дека му се родил трет син – Чиро Меси, откако клубот претходно објави дека поради „лични причини“ тој ќе го пропушти гостувањето кај Малага.
– Добредојде Чиро! Фала му на Господ се мина во најдобар можен ред. И мајката и бебето се добро. Пресреќни сме, напиша Меси.
Освен ова на Инстаграм се појави и фотографијата на која може да се видат фудбалерот и неговата сопруга Антонела Рокузо, но и двајцата постари браќа на Чиро, Тиаго и Матео.