Интер Мајами на Лионел Меси и Ал Наср на Кристијано Роналдо ќе се сретнат во февруари во Саудиска Арабија, во еден од последните, ако не и последен, дуел на двајца од најдобрите фудбалери на 21 век.
Интер беше поканет да учествува на традиционалниот Куп на Ријад, турнир со три клуба, со саудиските клубови Ал Наср и Ал Хилал.
Точните датуми на натпреварите не се прецизирани.
Лионел Меси и Кристијано Роналдо се сретнале 37 пати, од кои 30 пати во шпанскиот „класик“, кога Аргентинецот играше во Барселона, а Португалецот во Реал Мадрид.
Според фудбалските статистичари, Меси победил 17, а Роналдо 11 пати, a девет натпревари завршиле нерешено.
Последен пат двајцата се сретнаа на 19 јануари 2023 година во Ријад на пријателски натпревар помеѓу Пари Сен Жермен и најдобрите играчи на Саудиска Арабија.