На синоќешниот пријателски натпревар во Љубљана, каде што словенечката репрезентација беше домаќин на Португалија, еден навивач истрча на теренот за да се фотографира со главната ѕвезда на настанот.
Секако, станува збор за Кристијано Роналдо со кој навивачот успеа да се фотографира правејќи селфи, а го бакна и португалскиот ас, а словенечките медиуми открија каква казна сега го чека.
Имено, навивачко селфи и бакнеж за најдобриот фудбалер на сите времиња ќе го чинат 1.000 евра според казната што му е изречена. Така патувањето на теренот ќе го чини многу, но веројатно навивачот бил и подготвен за тоа и свесен за цената што треба да ја плати.
Инаку, Португалија синоќа во Љубљана беше поразена од Словенија со 2:0, за која гол дадоа Гнезда Черин и Елшник.
Роналдо беше во центарот на вниманието и затоа што неколку пати се пожали на грубата игра на домаќините, поради што протестираше до судијата кој го судеше овој натпревар.
Сега Роналдо ќе се врати во Саудиска Арабија каде што очекува да ја продолжи клупската сезона со тимот на Ал-Насра.