По 17 часа од доаѓањето на Новата година во Акушерското одделение на општата болница во Кавадарци се роди првото бебе.
Бебето е тешко 3,45 килограми и долго 52 сантиметра. Како што информираат од Болницата, мајката Марија Димовска на која ова и е прво дете, се породила со царски рез.
– Нема правило во оваа работа. Имало случаи кога две минути по 24 часот на Нова Година сме ги добивале првите новородениња за регионот со околу 100 илјади жители, но и години кога првиот ден поминувал без да се роди дете, велат од Акушерското одделение.