Општина Ресен и Триатлон Федерација на Македонија утре (24 јуни) по втор пат ќе организираат спринт триатлон во 11 категории.
– Среќни сме што имаме голема поддршка и помош од Градоначалникот Ѓоко Стрезовски од Општина Ресен, Македонски Олимписки Комитет, Агенција за млади и спорт, „Пелистерка“ и локалните спортски здруженија. Отешево е прекрасен предел за организација на триатлон натпревари и сите услови се исполнети. Посакуваме публика и медиуми како јавноста би видела дека триатлонот како Олимписки спорт е вистински предизвик за најсилните, соопштија организаторите.
Спринт дистанцата се состои од 750 метри пливање, 20километри велосипедизам и 5 километри трчање. Мерењето на време ќе биде електронско.
Се очекува на триатлонот учество да земат преку 60 натпреварувачи од Македонија, САД и Србија.
Натпреварот ќе започне во 10 часот во Отешево во одморалиштето „Лејк Вју“.