Лидерот на демократите во Комитетот за разузнавачки работи на американскиот Сенат, Марк Ворнер истакна денеска дека во изјавата, која отпуштениот директор на ФБИ, Џејмс Коми му ја предал на Комитет во пресрет на денешното сведочење се наведува дека претседателот на САД, Доналд Трамп изгледа му се заканувал на Коми дека ќе остане без работа.
Во текстот на воведниот говор, со кој Ворнер денеска ќе се обрати до Комитетот, се наведува дека Трамп од Коми барал прекин на истрагата против својот висок советник, со што ги прекршил прецизно дефинираните насоки, чија цел е спречување на политичкото мешање во истрага на ФБИ.
– Сведочењето на господинот Коми, кое е предадено за денешното сослушување е вознемирувачко, се наведува во текстот на обраќањето на Ворнер.