Екипите на Ајакс и на Манчестер Јунајтед вечер со почеток од 20 часот и 45 минути во Стокхолм ќе го почнат финалето од фудбалската Лига Европа. Победникот од овој меч покрај големиот трофеј ќе добие и место во елитната Лига на шампиони следната сезона.
Холандскиот тим 22 години е без трофеј во евро-куповите, додека Јунајтед последната титула ја имаат во 2008 година во ЛШ и му недостасува титула од ЛЕ.
Во Манчестер ќе ги нема повредените Златан Ибрахимовиќ, Маркос Рохои Лук Шо, како и Ерик Бејли кој доби црвен картон во полуфиналето.
И покрај хендикепот со неколку повредени фудбалери, сепак Манчестер влегува како фаворит против помладиот состав на Ајакс.