Министерот за надворешни работи Никола Попоски, кој денеска учествува на Министерскиот состанок на ОБСЕ во Даблин, во пресрет на самитот на ЕУ побара поддршка од неговите европски колеги Македонија да добие датум за почеток на преговорите за членство во Унијата.
Попоски на маргините на Самитот разговарал и со државниот секретар на САД Хилари Клинтот.
– Од американска страна го слушнав тоа дека САД и натаму останува наш главен поддржувач за ЕУ и НАТО. Сакаат да не видат час поскоро како членки во двете организации. Сметаат дека секој напредок во овој правец може да биде исчекор за целиот регион, изјави шефот на македонската дипломатија.