Се намалува бројот на заболени од грип во Кавадарци и Росоман

Од:

Се намалува бројот на заболени од грип во Кавадарци и Росоман. Доктор Ристе Јовановски, епидемиолог при кавадаречкиот Центар за јавно здравје, денеска информираше дека последнава седмица биле регистрирани 507 новозаболени.

– Ако се има во предвид дека претходно во една седмица имавме евидентирано и до 1.024 грипозни, може да се заклучи дека грипот стагнира во овие две општини, нагласи Јовановски.

Тој рече дека од почетокот на сезоната за грип досега, во Центарот имаат пријавено 2.691 лице заболено од ова вирусно заболување.

Тоа, според него, не е најреалната бројка на инфицирани од грип, бидејќи некои од заболените се лекуваат во домашни услови и не посетуваат матичен лекар. Токму матичните доктори, посочи, ги пријавуваат бројките на грипозни во Центарот за јавно здравје.

Јовановски потсети на превентивните мерки кои треба да се преземат за да се избегне вирусот на грип и даде препораки за заболените.

Би можело да ве интересира

Пожар во куќа во Кавадарци, пронајдено тело на маж кој најверојатно се задушил

Пијан, со одземена возачка возел автомобил и не пропуштил пешаци

Горан Наумовски

33-годишен маж е тешко повреден во фабрика во Кавадарци

Грипот зема уште еден живот – почина пензионер од Штип

Во Кавадарци и Неготино сопруги пријавиле физички напад и закана од сопрузите

ИЈЗ: Се зголемува бројот на заболени од грип