Италијанската полиција употреби солзавец и водени топови против демонстрантите во Неапол кои протестираа поради посетата на италијанскиот премиер Матео Ренци.
Ренци, во третиот по големина италијанска град, беше пресретнат од околу 1.500 луѓе кои фрлаа камења и се обидеа да го пробијат полицискиот кордон.
Посетата на Ренци на Неапол беше со цел да се разгледа деталниот урбанистички план и поранешната индустриска зона Бањоли. Демонстрантите тврдат дека урабанистичкиот план не бил разгледан од локалните власти.
Демонстрантите носе голема кукла со ликот на италијанскиот премиер како Пинокио и скандираа „Ренци оди си“.
При протестите повредени се четворица полицајци.