Порталот ОхридСкај, пишува дека босанското обвинителство било под притисок на македонските институции да отвори уште еднаш истрага за падот на Кингерот и смртта на претседателот Борис Трајковски и неговите соработници.
ОхридСкај пренесува дека „дури трае оваа процедура, на тајни места и во медиумски кујќи , веќе по налог на владеачката партија се изготвува специјален предизборен материјал во врска со падот на авионот“.
Според порталот, „ВМРО-ДПМНЕ немале идеја како да настапат против СДСМ на избори освен со отворање на темата и директно обвинување на Црвенковски“.
„Од Сараево дознаваме дека високи функционери ги обиколувале босанските институции за да се отвори предизборна истрага . Инаку целокупниот материјал се снима во медиумски куќи, кои зедоа доста пари од тендерите објавени на владата за реклама ,а СИТЕЛ и Канал 5 како и МРТВ веќе добиле наредби да изготват специјални прилози и дополненија на овој материјал“, пишува ОхридСкај.
