Иднината на Македонија е во ЕУ, но проблемите меѓу нашите две земји прво мора да бидат испеглани, вели шефот на бугарската дипломатија Николај Младенов.
Оваа изјава на Младенов следи како коментар на односите меѓу Скопје и Софија.
„Се сретнав со министерот Попоски во Њујорк, имавме долг разговор, значи нема потреба понатаму да дебатираме. Ни требаат резултати сега. Македонија смета на поддршката на Бугарија за приклучување во ЕУ. Оваа поддршка, исто така, зависи од извештајот на Европската Комисија за Македонија, по кој ќе се одлучува за месец ипол. Кристално јасно е дека е невозможно дека ќе успеат за месец ипол од нивните учебници да ги исфрлат содржините според кои Бугарија ја окупирала Пиринска Македонија, со што бил поделена нивната земја и народ“, рекол Младенов за Дарик радио.