ВИДЕО: Напад со дронови на два брода во бугарски води во Црното море

Од:

Во тек е голема спасувачка операција во Црното Море по напад со дронови врз два трговски брода во водите на Бугарија.

Станува збор за прв ваков напад врз бродови во ексклузивната економска зона на Бугарија, објави БГНЕС.

Според првичните информации, мета биле два брода за генерален товар – ALFA WATAN, кој пловел под знамето на Того, и ABLE, кој пловел под знамето на Палау.

ALFA WATAN претрпел сериозни оштетувања на конструкцијата и потонал источно од бугарскиот брег. Засега нема официјални информации за судбината на неговиот екипаж и дали има преживеани.

Вториот брод, моторниот ABLE, се запалил по нападот. Поради сериозноста на ситуацијата, 18-члениот екипаж морал да го напушти бродот.

Во спасувачката операција учествувал и бугарскиот ро-ро/патнички ферибот DIOSCURIA, кој плови под бугарско знаме. Бродот бил пренасочен кон местото на инцидентот и успеал да ги евакуира и прими сите членови на екипажот на запалениот ABLE.

Меѓу спасените има и повредени, на кои веднаш им била укажана прва помош на бродот. Во тек е координација со спасувачките служби за нивна итна медицинска евакуација и транспорт до болница на брегот.

Околностите на нападот, како и припадноста на дроновите што ги извршиле нападите, засега се предмет на истрага.

угарскиот премиер Румен Радев свика состанок со претставници на институциите по повод нападот со дронови врз два брода во бугарската економска зона во Црното Море, соопшти владината информативна служба.

На состанокот ќе учествуваат претставници на Министерствата за одбрана, за внатрешни работи, за транспорт и за животна средина и води, како и претставници на претседателската институција и безбедносните служби.

Би можело да ве интересира

ВИДЕО: Потона товарен брод во Црното Море, спасени сите 12 членови на екипажот

Катерина Ѓуровски

Приведен возачот на камионот што предизвика еден од двата верижни судири во Бугарија

Фон дер Лајен: Безбедноста на Црното Море е безбедност на цела Европа

ВИДЕО: Страотен верижен судар во Бугарија, 12 загинати

Катерина Ѓуровски

Украина разви модем за дронови, повеќе нема да зависи од „Старлинк“

Тошковски: Жалам што Бугарија станува заштитник на осомничени и осудени криминалци