Иако новиот закон за кривична постапка предвидува доказите да бидат кај Јавниот обвинител, ова не е испочитувано за случајот „Пуч“.
Доказите се во судот и не ги доставуваат до специјалната јавна обвинителка. Тие цела недела бараат од судот простор за да може цел тим од СЈО да ги разгледува материјалите, но судот на ова се оглушува.
Затоа денеска е одложено рочиштето за случајот „Пуч“, бидејќи доказите не можеа да бидат кај обвинителите на Катица Јанева.
„Доказите не ни ги даваат и затоа ние ќе доаѓаме во судовите. Ова е нова пракса во судот, порано доказите ни беа доставувани во обвинителствата на увид. Тие и според новиот ЗКП се должни но, не го прават тоа. Но, ние ќе постапуваме како ќе каже судот“, рече Јанева.
Таа најави дека јавно-обвинителските одлуки ќе бидат готови во зададениот рок, а тоа е 15-ти март.