Најголемото грчко национално знаме изработено досега, со плоштина од 480 квадратни метри и тешко 130 килограми, од денеска се виори на пристаништето во Солун, пишува грчкиот весник „Етнос“.
Националното знаме е издигнато по повод одбележувањето на 100-годишнината од ослободувањето на градот од турското ропство.
Големото знаме со димензии 17,46 на 27,52 му е подарено на градот од грчко семејство и беше поставено со огромен кран.
Знамето е вклучено во Гинисовата книга на рекорди како државно знаме со најголема плоштина. Претходно Гинисовиот рекорд за најголемо знаме го имаше бразилското, кое беше со плоштина од 300 квадратни метри.