Иноваторскиот тим од фабрика за производство на природна свила, која се добива со одгледување на познтатат свилена буба, на јавноста во Тајланд и го претставија заштитниот елек од куршуми, изработен од влакната на кожурките на свилената буба Ваквиот елек е повеќе пати полесен и поефикасен за запирање на куршумите кон телото од „класичните’’ заштитни елеци што ги користат полицијата и армијата.
Пронаоѓачите ја одбрале свилата за основа на заштитата од куршуми поради тоа што овој природен материјал и покрај тенките влакна е неверојатно јак и растеглив. Заштитниот елек, кој задржува удар до 4,8 гигапаслкали и лесно се прилагодува на телото, запрел, или им ја намалил брзината на ударот на куршумите испукани од оружја со калибар 22, па дури и од познатите М-16 автомати.
Пронаоѓачите добиле охрабрувачки оценки од полициските и армиските експерти за квалитетот на елекот. Комплетиран, овој заштитен елек има дебелина од 20 милиметри и тежи 4 килограми.
Природната свила која се добива од бубата која се храни со лисја од дудинка, масовно се произведува во Кина и соседните јужни држави. Во Македонија свилената буба порано се одгледуваше во подрачјето на Гевгелија, а се уште е актуелна во Војводина, Србија и во Славонија, Хрватска.