Патнички авион на „Малезија ерлајнс“ денеска принудно слета на аеродромот во Мелбурн, откако се запалил еден од моторите.
Портпаролката на аеродромот, Ана Џилет, соопшти дека авионот, кој летал од Мелбурн за Куала Лумпур, слетал без проблеми и оти никој не е провреден. Сепак, таа не ги потврди медиумските информации дека авионот се вратил во Мелбурн бидејќи му се запалил моторот.
„Скај њуз“ јави дека авионот го исфрлил горивото пред слетувањето, а според информациите на локалните медиуми, во авионот имало 300 лица.
„Малезија ерлајнс“ минатата година изгуби два авиона во несреќи.
Извор: Мета