Советот на ОН за права на човекот разгледа денеска барање на африкански држави кои повикуваат меѓународната заедница да им помогне против нигериската исламистичка група Боко Харам.
Од акциите на Боко Харам досега загинаа над 15.000 луѓе за шест години.
Нацрт резолуцијата беше поднесена до Советот кој се собра на вонредна седница во Женева. Во тесктот се бара поддршка за Камерун, Нигер, Чад и Нигерија и секоја друга држава погодена од акциите на Боко Харам.
– Голем број деца, жени и мажи беа киднапирани, жртви на насилства или врбувани насила. Со жените и децата се постапува особено жестоко, цели села и градови се урнати, вели врховниот комесар на ОН за права на човекот Зеид ал Хусеин.