Од денеска до 20. март во галеријата „Остен“ ќе бидат изложени дигитални карикатури од 44. Светска галерија на карикатури Скопје 2014.
Селекцијата ја направи карикатуристот Драган Поповски, а на 44. Светска галерија на карикатури беа наградени Дору Аксинте од Романија, Илја Кац од Израел и Валентин Георгиев од Бугарија.
Изборот од дигиталните карикатури од 45-то издание на Светската галерија на карикатури ќе бидат изложени последната недела од март.
Галеријата „Остен“ од 6 март почна со последователно изложување на дел од дигиталните карикатури од 43-та, 44-та и 45-та Светска галерија на карикатури. Оваа активност на „Остен“ е поврзана со донесената одлука по повод 45 години од организирањето на 1. Светска галерија на карикатури.