Изложба на карикатури на тема корона од Миле Манчевски

Од:

Карикатури од авторот Миле Манчевски од Велес, на тема корона и посветена на сите здравствени работници, синоќа беше отворена во Пионерскиот дом во Гевгелија.

– Карикатурата како инструмент на комуникација во времето на корона е неверојатно блескав момент оти тогаш кога застана се, визуелизираните идеи на Миле Манчевски беа оригинален подарок за сите нас, смета гевгелиската сликарка Мирјана Крстева Массетти.

Додава дека истражувањата на карикатурата се интердисциплинарни и навлегуваат во повеќе области, меѓу кои и историјата.

– Така, Манчевски на свој начин преку оваа изложба ја исцртува историјата за едно време наречено корона.Неговата карикатура динамично кореспондира со менталниот конструкт на реципиентот затоа што е забавна, хумористична и оригинална, рече Крстева Массетти.

Манчевски објавувал свои дела во најтиражните весници во нашата земја и на просторите во поранешна Југославија. Негови карикатури биле презентирани и во дваесетина земји низ светот.

Би можело да ве интересира

Изложба на репродукции на дела на англискиот уметник и патеписец Едвард Лир во Охрид

МСУ со голема изложба на најпрогресивните уметници од Југоисточна Европа

Ана Ололовска

Изложба на дела од кавадаречки ликовни уметници и нивни гости

Ана Ололовска

Во Галеријата „КО-РА“ отворена изложбата на Ленче Коцевска „Моја бесмртна љубов“

Ана Ололовска

Ретроспективна изложба „Од депото на Меѓународната Струмичка ликовна колонија“ во Куманово

Ана Ололовска

Во Вевчани отворена изложбата „Метакосмија“

Ана Ололовска