Веднаш по разрешувањето на заменик-директорот на Агенцијата за разузнавање Мухамед Исмаили, од страна на претседателот на Република Македонија, Ѓорге Иванов, реагираат од ДУИ, матичната партија на Исмаили.
За партијата на Ахмети ова е потврда дека претседателот Ѓорге Иванов носи политички одлуки на штета на Албанците и оти за нив шефот на државата и натаму е нелегитимен.
Со оваа одлука Иванов продолжува непринципиелно да се однесува за прашањето за застапеностана Албанците во институциите што се под негова надлежнос, велат од ДУИ.
„Повеќе од јасно е дека разрешувањето на господинот Исмаили е направена од политички, а не поради професионални мотиви и ваквиот чин заслужува осуда“, соопшти ДУИ.
Ова за ДУИ е само аргумент повеќе да се поддржи нивната заложба за консензуален претседател.
