Меѓународната културно-научна манифестација „Печалбарски денови“ и Вевчанското културно лето „ВЕВКУЛ 2015“ распишаа Меѓународен конкурс за карикатура на тема „Поплава, поплава…“
Право на учество на конкурсот имаат сите кои цртаат карикатури и имаат смисол за хумор и сатира. Форматот и бројот на карикатури со кои еден автор-карикатурист ќе учествува на конкурсот не е ограничен, односно е по избор на авторот.
Жири-комисијата ќе доделува прва, втора и трета награда односно златна, сребрена и бронзена маска. Добитниците на награди ќе добијат и пасош на Карневалска Република Вевчани, како и други подароци.
Од наградените и селектирани карикатури идната година во рамките на манифестацијата „ВЕКУЛ“ ќе биде организирана изложба во Вевчани.
Спонзор на Меѓународниот конкурс за карикатури што ќе биде отворен до 24 декември е Општина Вевчани.