Бројот на сириските бегалци во Турција достигна 1,6 милиони лица, изјави денеска шефот на Дирекцијата за управување при катастрофи и вонредни состојби Фуат Октај.
Бројот на бегалци од сирискиот курдски град Кобане е 180.000, истакна Октај.
Тој истакна дека ниту една земја освен Турција не укажала таква помош на бегалците од Сирија.
Во десет турски окрузи биле изградени над 20 бегалски кампови во кои има училишта, се доставува медицинска помош и храна.
Турските власти досега потрошиле четири милијарди долари за сириските бегалци.