Најривалските навивачи групи во Македонија „Комити“ и „Чкембари“, докажаа дека кога е најпотребно заборваат на ривалството и човечки си помогнаа во тешката ситуација по инцидентот што го одбележа дербито Пелистер – Вардар, пишува Дерби.мк.
Тоа го потврдија и навивачите на „црвено-црните“, кои изјавија дека битолчаните им помогнале да стигнат во болницата поради фактот дека имало само една Брза помош.
– Шокиран сум. Не знам што да кажам. На стадионот имаше само едно возило на Брза Помош имаше десетина повредени. Најтешко повредениот замина со него, а ние останатите, кои што имавме помали повреди моравме да се снаоѓаме. За среќа „Чкембари“ со свои возила веднаш се појавија на местото. Не ставија во автомобили и не однесоа во болница. Се што ни беше потребно ни донесоа.