Лавров: САД ги поттикнуваат украинските власти на конфронтација

Од:

Шефот на руската дипломатија Сергеј Лавров за телевизијата „Русија 1“ изјави дека САД ги поттикнуваат украинските власти на конфронтација, истакнуваќи оти шансите за воспоставување на мир во Украина би биле поголеми кога се би зависело од Русија и мнозинството нејзини европски партнери.

– Постојат прекуокеански партнери, нашите американски колеги, кои, судејќи според многубројните сведоштва, го поттикнуваат украинското раководство на конфронтациски пат, посочи Лавров.

Тој наведе дека Русија е заинтересирана Европската унија да има добри односи со САД, но Унијата самостојно да ги носи одлуките.

Лавров истакна дека и покрај волјата на украинскиот претседател Петро Порошенко да ги намали тензиите и да го продолжи примирјето, во украинската власт има и други сили – радикали, кои соработуваат со вооружените ултранационалисти, потоа Десен сектор, баталјоните на Игор Коломојски и други групи кои не се потчинуваат на централната и врховната команда.

Рускиот министер за надворешнио работи потенцира и дека Москва и поанатаму е подготвена за консултации со Украина, Молдавија и со Грузија за прилагодување на економските политики во контекст на вчерашното потпишување на Договорот за асоцијација со ЕУ.

Би можело да ве интересира

Небензја: Русија ќе бара меѓународно признавање на нацистичките злосторства во СССР

Ликвидирани се киднаперите од истражниот затвор во Ростов на Дон

Заложничка драма во истражниот затвор во Ростовската област

Горан Наумовски

САД и Јужна Кореја загрижени за посетата на Путин на Северна Кореја

Истражување: 89 отсто од Русите би поддржале криминализација на семејното насилство

Руско-израелски новинар доби забрана за влез во Србија: „Ми дадоа документ дека сум безбедносен ризик“

A1on