Околу 100 проруски настроени демонстранти, синоќа во Берлин, го прекинаа предизборното обраќање на германската канцеларка Ангела Меркел, повикувајќи да се „уапсат нацистите во Украина“, пренесе „Франс прес“.
Протестот се одржа зад бариерите, во задниот дел од салата во која се одржуваше собирот, на кој што во организација на владеачката Христијанско-демократска унија присуствуваа околу 200 лица.
Еден од говорниците на собирот по повод претстојните европски избори и член на Европскиот парламент, Јоахим Целер изјави дека би било подобро овој протест да е одржан на московскиот Црвен плоштад.
Лидерите на украинаките власти вчера изјавија дека нема да потклекнат пред уцените на проруските сили, кои држат под контрола повеќе од десет градови на исток на државата и по референдумот кој што се одржа на 11-ти мај бараат присоединување со Русија.
Е. Г.