Привремен сообраќаен режим од петок до понеделник на автопатот Солун – Евзони

Од:

Поради изведување градежни работи, дел од автопатот од Солун кон граничниот премин Евзони/ Богородица кон нашата земја, од утре наутро до понеделник напладне целосно ќе биде затворен и во двата правци, а сообраќајот ќе се одвива по стариот автопат.

Од регионална полициска управа од северна Грција информираа дека „од петок (20 ноември 2026 година) во 8.00 часот до понеделник (23 ноември 2026 година) во 12.00 часот, ќе биде целосно затворен за сообраќај дел од автопатот Солун – Евзони, од клучката Поликастро до клучката Агиос Атанасиос, во двете насоки на движење (кон Солун и кон Евзони)“.

– Сообраќајот на возилата ќе се пренасочува и ќе се одвива по стариот автопат Солун – Евзони, информираа од надлежната полициска управа.

Согласно соодветната одлука на полицијата, привремениот сообраќаен режим е поради уривање на надвозник во рамките на градежните работи на надвозниците на вертикалната оска на автопатот Егнатиа Одос.

Во правец од Евзони, кај Поликастро кон Солун возилата ќе се движат по стариот пат Солун – Евзони, а потоа преку патот Солун – Едеса, додека пак во спротивната насока од Солун кон Евзон возилата ќе се пренасочуваат преку патот Солун – Едеса и стариот автопат Солун – Евзони, преку селата Гефира, Прохома и Кастанас, од каде што ќе продолжуваат кон Поликастро.

Би можело да ве интересира

(ВИДЕО) Страшна сообраќајка кај Загреб – возеше во спротивна насока, удри во друг автомобил и заврши под камион

А1он

Автопатот Прилеп – Битола добива приоритет, Мицкоски најави пуштање на првите 10-12 километри

ВИДЕО: Продолжен викенд, крај на одморите, пред почеток на училишната година – гужви на границите

Во Солун сузбиена меѓународна криминална група, уапсени македонски и косовски државјанин

Предраг Петровиќ

Уапсен e маж кој подметна шест пожари во близина на Солун за четири дена

МВР: Приведен е возачот кој возеше во спротивна насока на автопатот Скопје – Велес