59-годишен маж е уапсен во Грција под обвинение за намерно и повеќекратно палење во Синдос во близина на Солун, откако предизвикал шест пожари помеѓу 8 и 11 август.
Според истрагата, 59-годишникот, додека го возел своето возило, наводно запалил вкупно шест пожари во сува трева, трска и земјоделско земјиште во областа Синдос, објавува денес „Прототема“.
Според извештаите, еден пожар избувнал во сабота, 8 август, кога изгореле околу 20 хектари земјоделско земјиште, а вториот во недела, 9 август, кога изгореле околу 15 хектари земјоделско земјиште.