Најмалку 26 лица загинаа при руско бомбардирање на центар за дистрибуција на хуманитарна помош во селото Комишуваха. Украинскиот претседател Володимир Зеленски го опиша нападот во јужниот регион Запорожје како „апсолутно ужасен“. Регионалниот претставник Михајло Семикин изјави дека пет лица се повредени, а 27 првично се воделе како исчезнати, откако најмалку девет авионски бомби – со вкупна тежина од 3.000 килограми – паднале врз селото, пренесува Би-Би-Си.
Komyshuvakha, Ukraine.
Russia simply dropped an aerial bomb on a local school where people had gathered to receive humanitarian aid. And when they went to a shelter, Russia dropped another NINE (!!!) glide bombs on it.
The result: at least 24 people killed, including at least two rescue workers who had arrived to help the victims.
Someone please explain to me how this is anything other than yet another blatant act of genocide committed by Russia against Ukrainians.
— Illia Ponomarenko 🇺🇦 (@IAPonomarenko) November 2, 2026
Претседателот Володимир Зеленски изјави дека по првичниот удар врз локално училиште, кое се користело за хуманитарни цели, уследил втор напад врз локацијата каде што луѓето побарале засолниште. Тој исто така објави снимка на која се гледа огромен кратер настанат од нападот во понеделникот, додека спасувачките екипи пребаруваат низ урнатините. Руската војска не даде официјален коментар.
Зеленски првично извести за 18 жртви, но Државната служба за вонредни состојби на Украина подоцна потврди дека загинале 24 лица, меѓу кои двајца спасувачи и четворица полицајци. Во видео-обраќање во понеделникот вечерта, Зеленски потврди дека бројот на загинати се искачил на 26.
Претходно, Зеленски изјави: „Русите мора да знаеле дека локалните жители кои останале во Комишуваха, секој понеделник таму добиваат хуманитарна помош. Ова е дополнителен доказ дека Русија не сака никаква деескалација“. Тој посочи дека, по неодамнешната успешна заедничка руско-украинска операција за евакуација на цивили од окупираниот град Олешки, постоел момент кога се чинело дека следните чекори би можеле да покажат оти мирот е можен.
💔 The death toll from the Russian strike on a school in Komyshuvakha, Zaporizhzhia has risen to 26
Five more people were injured. Among the dead were two rescuers and four police officers.
The occupiers also struck a private home in one of the cities of the region. The attack injured a 62-year-old woman and an 11-year-old boy.
— The Ukrainian Review (@UkrReview) November 2, 2026
Таа операција беше спроведена за време на привремен прекин на огнот, посредуван од првата дама на САД, Меланија Трамп.
„Со вакви убиства, Русија испраќа сосема спротивна порака – Русија смета на понатамошни убиства“, рече Зеленски.
Регионалниот претставник Семикин го опиша нападот како „ужасна трагедија“ за селото и потврди дека луѓе сè уште се заробени под урнатините. Спасувачките екипи работат на терен, но неколку пати морале да ги прекинат операциите поради напади со руски беспилотни летала во таа област.
Рускиот претседател Владимир Путин започна инвазија врз Украина во февруари 2022 година. Мировните преговори меѓу тимови од Украина, Русија и САД треба да продолжат следната недела во Абу Даби. Ова на платформата X го објави Стив Виткоф, специјален пратеник на американскиот претседател Доналд Трамп.
Откако преговорите прекинаа во февруари, Москва ги засили нападите, додека Киев практично остана без западни системи за ракетна одбрана. Не се очекува значителен напредок од овие преговори.
Виткоф изјави дека фокусот ќе биде ставен на „безбедносните аранжмани по војната, деескалацијата, хуманитарните напори и натамошните чекори кон мир“. Тој додаде дека американските преговарачи оваа недела во Брисел ќе се сретнат и со претставници од Европа и НАТО.