Руската полиција извршила ненадејна акција во московскиот клуб „Бизаре“, каде што околу 200 лица ја прославувале Ноќта на вештерките на приватна свингерска забава.
Според информациите што ги пренесуваат медиумите, меѓу присутните имало и гости маскирани во ликови од цртаните филмови.
Полициските службеници влегле во клубот среде ноќ, по што на сите присутни им наредиле да легнат на подот со лицето свртено надолу. Потоа следувале претреси, проверка на личните документи и испрашување на гостите.
😅 Halloween horror in Moscow: security forces raid a swingers’ party In the middle of the night, Russian security forces stormed Moscow’s Bizarre club, where around 200 people were celebrating Halloween dressed as cartoon characters. Guests were forced to lie face down on the floor, searched, had their IDs checked, and were questioned. According to preliminary reports, officers were looking for “LGBT propaganda.” They found none: the club said no violations had been discovered and apologized to its guests. This was already the third raid on the club, so guests probably know by now which costume is the most appropriate for a party in Russia: a police officer.
— NEXTA (@nexta_tv) November 1, 2026
Според првичните информации, полицијата трагала по наводна „ЛГБТ пропаганда“, во рамки на строгите руски ограничувања поврзани со промовирањето на хомосексуалноста.
Сепак, според соопштението на клубот, при полициската акција не биле утврдени никакви прекршувања на законите и прописите.
Претставниците на локалот поради тоа им се извиниле на гостите за непријатностите што ги доживеале за време на интервенцијата.
Русија во последните години дополнително ги заостри ограничувањата поврзани со ЛГБТ заедницата. Во ноември 2023 година, Врховниот суд на земјата таканареченото „меѓународно ЛГБТ движење“ го прогласи за екстремистичко.
Руските закони предвидуваат високи парични казни за содржини и активности што властите ги оценуваат како промовирање на хомосексуалноста. Ограничувањата опфаќаат јавни настани, интернет, филмови, книги и рекламни содржини.