Земјотрес со магнитуда од 4,5 степени според Рихтеровата скала е регистриран во Албанија. Потресот е почувствуван и во југозападните делови на Македонија.
Според податоците на Сеизмолошката опсерваторија при Природно-математичкиот факултет во Скопје, епицентарот се наоѓал во Албанија, на околу 158 километри југозападно од Скопје. Земјотресот бил регистриран во 5:04 часот.
Потресот бил почувствуван во југозападниот дел на земјата со интензитет од III степени според Европската макросеизмичка скала.
Засега нема информации за причинета материјална штета.
