Се урна хеликоптер на ЕУФОР кај Брчко, тројца загинати

Од:

Во местото Горице, во близина на Брчко во Босна и Херцеговина, денеска се урна воен хеликоптер на силите на ЕУФОР.

Од ЕУФОР официјално потврдија дека една од нивните летала доживеала несреќа за време на редовна операција во областа на Брчко.

Според првичните информации објавени од локалните медиуми, хеликоптерот е целосно уништен. Во медиумските извештаи се наведуваат и информации за тројца загинати, но овој податок засега нема официјална потврда од ЕУФОР.

Од европските сили соопштија дека во несреќата нема повредени цивили, како и дека не се оштетени цивилна инфраструктура, имот или возила.

На местото на падот веднаш пристигнале полициски екипи од Брчко, пожарникари и екипи на итната медицинска помош. Подрачјето е обезбедено, а надлежните започнале истрага за утврдување на причините за несреќата.

Од ЕУФОР најавија дека дополнителни информации ќе објават откако ќе бидат утврдени фактите. Воедно, ги повикаа граѓаните да не шират непроверени информации и да ги следат официјалните соопштенија.

Причините за падот и околностите под кои се случила несреќата засега не се познати.

Би можело да ве интересира

(ВИДЕО) Јогурт врз пратеничка пред српското Собрание: Србија ги смени властите, но не и политичките навики

Предраг Петровиќ

Маскирани хрватски полицајци претепале мигранти на границата со БиХ, пет лица со скршеници

Нови оставки во хрватската психијатриска болница по смртта на 32-годишниот пациент Кристијан Периш

СНСД и ХДЗ нема да влезат во власта едни без други

Драма над Хрватска: „Рафал“ пресретна авион по дојава за бомба

Вучиќ помилувал пет лица во Србија: Меѓу нив и поранешната висока функционерка на МВР, Дијана Хркаловиќ

Предраг Петровиќ