Најмалку 14 лица, вклучувајќи жени и деца, се убиени, а најмалку 37 се ранети во израелските напади врз јужен Либан, северно од „безбедносната зона“ прогласена од Израел.
Либанското Министерство за здравство соопшти дека меѓу загинатите има две деца и две жени, а меѓу повредените има три жени, објави Ал Џезира.
Израелската војска вечерва започна бран воздушни напади и артилериски гранати откако во напад со беспилотни летала на Хезболах претходно во текот на денот загина еден израелски војник, а шестмина беа ранети.
Според условите на прекинот на огнот, кој стапи на сила на 17 април и беше продолжен за три недели од американскиот претседател Доналд Трамп во четврток, Израел го задржува правото да одговори на „планирани, непосредни или тековни напади“.