Централната команда на САД (CENTCOM) објави видеа на кои се прикажани денешните напади на Соединетите Американски Држави врз Иран.
Снимките прикажуваат лансирање ракети од воен брод, полетување на борбени авиони од носач на авиони, како и напади врз ирански објекти, вклучително и дрон на земја.
„Како што изјави претседателот, цел е да го заштитиме американскиот народ со елиминирање на непосредните закани од иранскиот режим. Претседателот нареди решителна акција. Силите на CENTCOM извршуваат силен и одржлив удар“, се вели во соопштението на CENTCOM.
За време на нападите во саботата врз Иран, американската војска за прв пат користеше еднонасочни дронови за напад во борбени операции.
As the President stated, our objective is to defend the American people by eliminating imminent threats from the Iranian regime.
The President ordered bold action. CENTCOM forces are delivering an overwhelming and unrelenting blow. pic.twitter.com/B0k5gV4YnU
— U.S. Central Command (@CENTCOM) February 28, 2026
„Првите часови од операцијата вклучуваа прецизно оружје лансирано од воздух, од копно и од море. Дополнително, единицата за напад „Скорпион“ на CENTCOM за прв пат користеше евтини, еднонасочни дронови за напад во борба“, се вели во соопштението на Централната команда на САД.
Работната група „Скорпион Страјк“, еднонасочна единица за напад со беспилотни летала формирана од ЦЕНТКОМ минатата година, користи беспилотни летала изградени откако американските експерти го реконструираа иранскиот дрон „Шахед“, кој беше запленет од САД пред неколку години.
Штетата на американските инсталации беше минимална и не влијаеше на операциите, според ЦЕНТКОМ.
ЦЕНТКОМ соопшти дека воената операција, наречена „Операција Епски бес“, започнала во 1:15 часот по источно време (ET) во саботата со цел „демонтирање на безбедносниот апарат на иранскиот режим, со приоритетна акција на локации што претставуваа непосредна закана“.