Портпаролот на Кремљ, Дмитриј Песков, денес изјави дека е прерано да се зборува за можен мировен договор за Украина наскоро и рече дека треба да се почекаат понатамошни случувања.
„Почекајте засега. Прерано е да се зборува за ова“, изјави Песков пред новинарите кога беше прашан дали преговорите сега се поблиску до склучување договор отколку порано, објави Интерфакс.
Коментирајќи ги протечените телефонски разговори меѓу руски и американски претставници, Песков оцени дека на овие инциденти не треба да им се дава преголемо значење, но предупреди дека „во многу земји, вклучувајќи ги и САД, ќе има многумина кои ќе се обидат да го попречат мировниот процес“.