Израелскиот министер за одбрана Израел Кац ги одобри воените планови за офанзива во градот Газа, кои му беа презентирани синоќа од началникот на Генералштабот Ејал Замир и други високи офицери.
Тој, исто така, одобри „хуманитарни подготовки“ за околу еден милион палестински цивили кои ќе бидат раселени од градот Газа на југот од Појасот, објави „Тајмс оф Израел“.
Офанзивата е наречена „Гидеонова кочија Б“, по претходната операција со исто име, во која израелската војска презеде над 75 проценти од територијата на Појасот Газа, со наведена цел да изврши притисок врз Хамас да постигне договор за заложници.