Синот на израелскиот амбасадор во САД, Јехиел Лајтер, е критично повреден откако на окупираниот Западен Брег го удрил автомобил, објави CNN, повикувајќи се на локалните власти.
Нерија Лајтер, резервист на израелската армија, бил на должност на контролниот пункт Макабим. Според израелската полиција, возачот забрзал кон полициско возило паркирано на контролниот пункт и го удрил Лајтер, кој таму дејствувал заедно со полицаец.
Лајтер во бессознание бил пренесен во болницата „Шааре Цедек“ во Ерусалим. CNN наведува дека е критично повреден, додека израелските медицински извори неговата состојба ја опишуваат како тешка.
Неговиот татко Јехиел Лајтер, израелски амбасадор во Вашингтон, на социјалните мрежи објави дека на неговиот син „му треба чудо“.
🔴 Neriah Leiter, son of Israel’s US envoy Yechiel Leiter, named as reservist seriously injured in earlier ramming near Modi’in pic.twitter.com/EJ9MHLNiI2
— i24NEWS English (@i24NEWS_EN) September 23, 2026
„Верувам во силата на молитвата и верувам дека кога израелскиот народ ќе се обедини, се случуваат чуда“, порача тој.
Израелските власти случајот го третираат како напад со автомобил. Израелските одбранбени сили (ИДФ) објавија дека војниците на местото на настанот отвориле оган кон возачот и го убиле.
Израелските безбедносни служби го идентификуваа возачот како 29-годишниот Махмуд Мохамад Слиман од блиското палестинско село Беит Ур ал-Тахта. Неговата смрт ја потврди и палестинското Министерство за здравство.
Околностите на настанот сè уште се истражуваат.
Другиот син загина во Газа
Семејството Лајтер веќе го загуби едниот син во војната во Газа.
Постариот брат на Нерија, Моше Једидија Лајтер, 39-годишен резервист на израелската армија, загина во борбите во Газа во ноември 2023 година, во првите недели од војната.