Командантот на Иранската револуционерна гарда (ИРГЦ), Али Шадмани, почина денес од повредите здобиени во израелскиот напад, објавија денес иранските медиуми.
Командниот центар на ИРГЦ вети „безмилосна одмазда“ за неговото убиство, според извештаите, објави Ал Џезира.
Генерал-мајор Али Шадмани се сметаше за началник на штабот и воен командант на вооружените сили на земјата во време на војна.
Се вели дека тој бил близок и со врховниот лидер на Иран, ајатолахот Али Хамнеи.
Шадмани беше задолжен за Централната команда Хатам ал-Анби, позната и како воена команда за вонредни ситуации на Иран, само околу четири дена, објави „Тајмс оф Израел“.
Шадмани го замени генерал-мајор Голам Али Рашид, кој беше убиен во првичните израелски напади врз Иран во петокот.