Најмалку пет лица загинаа, а најмалку 12 се повредени, меѓу кои и полицајци, во масовно пукање што се случи денеска во самиот центар на Краков, на југот од Полска, соопшти полицијата.
Во соопштението објавено на платформата Икс (X) се наведува дека напаѓачот бил застрелан од страна на полицијата и со повреди е пренесен во болница.
Според информациите од полицијата, мажот влегол со автомобил на Главниот плоштад и започнал рафално и сурово да пука кон случајни минувачи.
Наоружаните полицајци по брза интервенција го неутрализираа и уапсија напаѓачот. Од полицијата потврдија дека нема други осомничени и дека напаѓачот делувал сам.
W Krakowie ktoś strzelał do przypadkowych ludzi w centrum na rynku. 5 osób nie żyje, nie wiem ile rannych… 🤬🤬🤬🤬🤬🤬🤬 https://t.co/HEk2SneBV1
— Patryk 🇵🇱 (@Benchm4de) November 7, 2026
„Операцијата за спасување е во тек. Медицински хеликоптер слета директно на Главниот плоштад“, соопштија полициските служби.
Снимките што се проширија на социјалните мрежи прикажуваат полицаец како се приближува кон лице облечено во зелена воена униформа, шлем и панцир, кое лежи на земјата.
🇵🇱
The weapon used by the shooter in #Krakow appears to be an AR-15 platform, equipped with an LPVO (low-power variable optic) and a sling, and is most likely chambered in 5.56×45mm NATO / .223 Remington. https://t.co/vOl3tgnaDO— Pythafix (@Pythafix) November 7, 2026
„Според информациите од полицајците на терен, мажот бил облечен во воена облека. За време на апсењето, полицајците употребија огнено оружје, но тој возврати со оган; како резултат на тоа, меѓу повредените има и двајца полицајци“, изјави портпаролот на полицијата.
Полицијата потврди дека напаѓачот користел воена автоматска пушка. Во неговото возило се пронајдени уште неколку парчиња оружје и поголемо количество муниција.
Паника и бегство на граѓаните
Вознемирувачките снимки од местото на настанот прикажуваат неколку паднати тела на плоштадот додека одекнувале истрели, додека храбри минувачи се обидувале да им помогнат на погодените. Други видеа прикажуваат панично бегство на граѓаните кои барале засолниште во блиските продавници и локали.
WTF?????!
5 osób nie żyje, 3 ranne… #Kraków https://t.co/iDNCfmcN7L— ♥️🐈⬛ Anna P. (@astra1004) November 7, 2026
Полскиот претседател Карол Навроцки изјави дека е „длабоко загрижен“ и изрази сочувство до семејствата на жртвите.
#Kraków #ZAMACH Miałem nadzieję, że nigdy nie zobaczę takich scen w Polsce😭😭😭 https://t.co/2Neoe4EdKK
— 𝗣𝗶𝗼𝘁𝗿 𝗪𝗶𝗲𝗰𝘇𝗼𝗿𝗲𝗸 🇵🇱 (@PETPOL) November 7, 2026
„Останувам во постојан контакт со надлежните органи и очекувам целосно расветлување на сите околности за овој трагичен настан. Шефот на Бирото за национална безбедност е веќе на пат кон Краков. Безбедноста на Полјаците е апсолутен приоритет!“
На местото на настанот итно пристигна и министерот за внатрешни работи на Полска.